საერთაშორისო საავტომობილო და სახიფათო ტვირთების გადამზიდი სატრანსპორტო საშუალებების ტექინსპექტირება

გრინვეის სასიამოვნო სიახლე აქვს მომხმარებლებისთვის - ზაჰესის გარდა, ADR და ECMT-ს შესაბამისობის ოქმის მიღება უკვე დამატებით ორ მისამართზეა შესაძლებელი: თბილისსა და ფოთში. აღნიშნული სერვისი განკუთვნილია იმ სატრანსპორტო საშუალებებისთვის, რომლებსაც საერთაშორისო ან სახიფათო ტვირთები გადააქვთ.

ADR (European Agreement on the Transport of Dangerous Goods by Road) – „სახიფათო ტვირთების საერთაშორისო საგზაო გადაზიდვების შესახებ “ ევროპული შეთანხმებაა, რომელიც დაიდო 1957 წლის 30 სექტემბერს ქ. ჟენევაში. საქართველოს მთავრობის დადგენილება №89  ტექნიკური რეგლამენტი განსაზღვრავს:

• სახიფათო ტვირთების გადაზიდვის პირობებს;
• სატრანსპორტო საშუალებების კონსტრუქციასა და აღჭურვილობასთან დაკავშირებულ მოთხოვნებს;
• მძღოლების მომზადებისა და დაშვების წესებს;
• სატრანსპორტო საშუალებების შემოწმების, დაშვების და შესაბამისობის ოქმის გაცემის პირობებს;
• გადაზიდვაში მონაწილე მხარეთა უფლებებსა და პასუხისმგებლობებს.

რეგლამენტის მთავარი მიზანია:

• მძღოლების, მგზავრებისა და ქვეითების უსაფრთხოების დაცვა;
• საგზაო შემთხვევებისა და საგანგებო სიტუაციების პრევენცია;
• ადამიანის ჯანმრთელობისა და გარემოსთვის მიყენებული ზიანის შემცირება.

ADR-ის შესაბამისობის ოქმის მისაღებად სატრანსპორტო საშუალება ტექდათვალიერებას გადის წელიწადში ერთხელ.

ADR ტექინსპექტირების ცენტრები:

• ზაჰესი, მშვიდობის ქუჩა №104
• თბილისი, კახეთის გზატკეცილი №103 (საქლედა)
• ფოთი, გრიგოლ კოკაიას ხეივანი №1 

ECMT – საერთაშორისო საავტომობილო გადამზიდი სატვირთო ავტომობილების ტექინსპექტირება.

ECMT (ტრანსპორტის მინისტრთა ევროპის კონფერენცია) არის სახელმწიფოთაშორისი ორგანიზაცია, რომელიც 1953 წელს დაარსდა. საქართველო 2000 წლიდან არის ECMT-ის წევრი.

ECMT სერტიფიკატი ადასტურებს, რომ სატვირთო ავტომობილი ან მისაბმელი აკმაყოფილებს საერთაშორისო ტექნიკურ და უსაფრთხოების სტანდარტებს და ვარგისია საერთაშორისო გადაზიდვებისთვის. სერტიფიკატები გაიცემა სხვადასხვა კატეგორიით, მათ შორის: EURO 3, EURO 4, EURO 5, EURO 6 და EEV უსაფრთხო.

ტექნიკური რეგლამენტი არეგულირებს:

• სატვირთო ავტომობილებისა და მისაბმელების ტექნიკურ და უსაფრთხოების მოთხოვნებთან შესაბამისობას;
• გზისთვის ვარგისობის ტესტის ჩატარებას;
• ECMT სერტიფიკატების გაცემის, შეცვლისა და გაუქმების წესებს.

ECMT სერტიფიკატის მისაღებად სავალდებულოა პერიოდული ტექდათვალიერების გავლა.

ECMT ტექინსპექტირების ცენტრები:

• ზაჰესი, მშვიდობის ქუჩა №104
• თბილისი, კახეთის გზატკეცილი №103 (საქლედა)
• ფოთი, გრიგოლ კოკაიას ხეივანი №1

მიიღე ADR და ECMT შესაბამისობის ოქმი და დასაჩუქრდი.