სიახლეები

გრინვეიმ სტუდენტებისთვის ახალი, უპრეცედენტო ანაზღაურებადი სტაჟირების პროგრამა დაიწყო. პროგრამის მიზანია ახალგაზრდებს მისცეს შესაძლებლობა გამოცდილების გარეშე დაიწყონ კარიერა. სამთვიანი სტაჟირების წარმატებით დასრულების შემთხვევაში შესაძლებელია გრინვეის თბილისის სერვის ცენტრებში დასაქმება. 

სტაჟირება სტუდენტებს სთავაზობს:

• მოქნილ სამუშაო გრაფიკს;
• სამთვიან პრაქტიკულ გამოცდილებას;
• დასაქმების შესაძლებლობას სტაჟირების შემდეგ.

პროგრამა მოიცავს ორ პოზიციას:

• გრითერ-ოპერატორი-800 ლარი;
• ინსპექტორის ასისტენტი-1000 ლარი.

სტაჟირება წარმოადგენს გრინვეის კორპორაციული სოციალური პასუხისმგებლობის მნიშვნელოვას ნაწილს. მისი მიზანია:

• სტუდენტთა ჩართულობით ტექინსპექტირების სფეროს განვითარება;
• კვალიფიციური კადრების მომზადება;
• ახალგაზრდებისთვის პროფესიული მიმართულებით ცოდნისა და გამოცდილების მიღების შესაძლებლობა.

სტაჟიორები გაივლიან „გრინვეი აკადემიის” on-job ტრენინგებს, ხოლო პროგრამის დასრულების შემდეგ მიიღებენ სერტიფიკატებს. ტრენინგებზე გრინვეის ტრენერები ყურადღებას ამახვილებენ როგორც ტექინსპექტირების თეორიულ კურსზე და პრაქტიკულ მაგალითებზე, ასევე სერვის პლიუსზე. 

სტაჟირებაში მონაწილეობის მისაღებად, შეგიძლია:

• დატოვო საკონტაქტო ინფორმაცია ჩვენს სოციალურ ქსელებში
• შეავსოთ ფორმა
• დაგვირეკოთ: 0 32 2 99 77 77
• მოგვწეროთ: vacancy@gwg.ge

თუკი დაინტერესებული ხართ როგორ მოემზადოთ გასაუბრებისათვის, შეგიძლიათ გაეცნოთ ჩვენ ბლოგს. ეს მოგცემთ შესაძლებლობას გამოხატოთ თქვენი მიზნები და  ინტერესი  კონკრეტული მიმართულების მიმართ. 

2025 წლის 1 იანვრიდან ამოქმედდება ტექინსპექტირების რეგლამენტით განსაზღვრული ცვლილება, რომელიც შეეხება ბენზინის ძრავიანი ავტომობილების გამონაბოლქვის სტანდარტს.

სიახლე შეეხება იმ ბენზინის ძრავით აღჭურვილ სატრანსპორტო საშუალებებს, რომლებმაც პირველადი რეგისტრაცია საქართველოს კანონმდებლობით დადგენილი წესით 2020 წლის 1 აპრილამდე გაიარეს.

2025 წლის 1 იანვრიდან ტექნიკური ინსპექტირებისას გამოყენებული იქნება შემდეგი გამონაბოლქვის კოეფიციენტები:

• ძრავა უქმ სვლაზე - 0.5%;
• ძრავას უქმ სვლაზე მაღალი ბრუნთა რიცხვით (არანაკლებ 2000 ბრ/წთ-ისა) - 0.3%.

თუ კიდევ გაინტერესებს რა და რატომ მოწმდება ტექინსპექტირებისას, შეგიძლია დეტალურად იხილო ბლოგში.

შეგახსენებთ, რომ 2024 წელს მოქმედებდა შემდეგი მაჩვენებლები:   

• ძრავას უქმ სვლაზე - 0.5%;
• ძრავას უქმ სვლაზე მაღალი ბრუნთა რიცხვით (არანაკლებ 2000 ბრ/წთ-ისა) - 0.5%.

2025 წლიდან დაშვებული გამონაბოლქვის ზღვარი ხელს შეუწყობს გარემოსდაცვითი სტანდარტების გაუმჯობესებასა და სუფთა ჰაერის შენარჩუნებას.

გრინვეი აგრძელებს გარემოსდაცვითი პასუხისმგებლობის მხარდაჭერას და ავტომფლობელებს მოუწოდებს, დროულად გაიარონ ტექინსპექტირება ახალი სტანდარტების გათვალისწინებით. 

„გრინვეი აკადემიასა“ და საქართველოს უნივერსიტეტს შორის თანამშრომლობის მემორანდუმი გაფორმდა, რაც მნიშვნელოვანი ნაბიჯია განათლებისა და ინდუსტრიის დაკავშირების მიმართულებით.

„გრინვეი აკადემიის” მიზანია ავტოინსპექტირების სფეროში კვალიფიციური კადრების მომზადება და ატესტაცია თანამედროვე საერთაშორისო სტანდარტების შესაბამისად.

„გრინვეი აკადემია“ მხარს უჭერს სტუ-ს პროექტს - „კვლევებისა და ინოვაციების მხარდაჭერის პროგრამას საწარმოო ბიზნესთან თანამშრომლობის სტიმულირებისა და გაუმჯობესებისათვის საინჟინრო განათლებაში“.  პროექტის  მიზანია განათლებაში დამსაქმებლის აქტიური ჩართულობა და შრომის ბაზრის მოთხოვნებზე ორიენტირებული სპეციალისტების აღზრდაა.

გლობალური პარტნიორების მხარდაჭერით შეიქმნა თანამედროვე სალექციო კურსი უახლესი პროფესიული მასალებითა და ვიდეო ინსტრუქციებით, ასევე ინოვაციური ელექტრონული პლატფორმა, რომელიც უზრუნველყოფს:

• მაღალი ხარისხის პროფესიულ სწავლებას;
• გადამზადებას თანამედროვე მოთხოვნების შესაბამისად;
• მომავალი სპეციალისტების ატესტაციას.

ეს პროგრამა კიდევ უფრო აძლიერებს ტექნიკური ინსპექტირების ხარისხს საქართველოში და მნიშვნელოვან როლს თამაშობს დარგის განვითარებაში.

საქართველოს ტექნიკურმა უნივერსიტეტმა, სტუდენტთა დასაქმების პროგრამის ფარგლებში, უმასპინძლა შეხვედრას. „გრინვეი საქართველოს“ ადამიანური რესურსების დეპარტამენტის წარმომადგენლები სტუდენტებს შეხვდნენ. 

შეხვედრის ფარგლებში სტუდენტებმა მიიღეს ინფორმაცია:

• გრინვეის საქმიანობის შესახებ;
• მიმდინარე ვაკანსიებზე;
• თანამშრომლობის შესაძლებლობებზე;
• „გრინვეი აკადემიის“ როლზე კადრების გადამზადებაში.

მემორანდუმის შესაბამისად, გრინვეი იღებს პასუხისმგებლობას სტუდენტებსა და კურსდამთავრებულებს მიაწოდოს ინფორმაცია ღია პოზიციების შესახებ. ასევე შესთავაზოს პრაქტიკა, სტაჟირება და დასაქმების პერსპექტივა.

„გრინვეი აკადემიისა“ და საქართველოს ტექნიკური უნივერსიტეტის თანამშრომლობა წარმოადგენს განათლების, ინოვაციისა და პროფესიული განვითარების წარმატებულ სინთეზს, რომელიც მომავალ თაობებს აძლევს რეალურ შესაძლებლობას - მიიღონ ხარისხიანი ცოდნა და წარმატებით დაიმკვიდრონ ადგილი შრომის ბაზარზე.

2024 წლიდან ძალაში შედის რამდენიმე მნიშვნელოვანი ცვლილება, რომლებიც შეეხება როგორც ტექინსპექტირების პროცესს, ასევე მგზავრთა გადაყვანისა და ავტოსადგურების რეგულირებას. 

„510 დადგენილების“ შესაბამისად, 2024 წლის 1 იანვრიდან 31 დეკემბრის ჩათვლით, ტექნიკური ინსპექტირებისას გამოიყენება შემდეგი კოეფიციენტი:

• ძრავას უქმ სვლაზე - 0.5%
• ძრავას უქმ სვლაზე, მაღალი ბრუნთა რიცხვით (არანაკლებ 2,000 ბრ/წთ) - 0.5%

ეს ცვლილება ეხება იმ ავტომობილებს, რომელბის საქართველოში პირველად რეგისტრირდნენ 2020 წლის 1 აპრილამდე და დღემდე მოწმდებოდნენ 0,55%-ზე.

რაც შეეხება 2020 წლის 1 აპრილის შემდეგ პირველად რეგისტრირებულ ავტომობილებს, მათთვის ნორმა უცვლელი რჩება:

• ძრავას უქმ სვლაზე - არა უმეტეს 0.5%;
• ძრავას უქმ სვლაზე, მაღალი ბრუნთა რიცხვით (არანაკლებ 2,000 ბრ/წთ) - არა უმეტეს 0.3%.

ლამბდა კოეფიციენტი არ უნდა აღემატებოდეს მწარმოებლის მიერ განსაზღვრულ ნორმას, ხოლო შესაბამისი მონაცემის არ არსებობის შემთხვევაში - 1 ± 0.03-ს.

კანონპროექტი არეგულირებს ავტოსადგურებისა და სამგზავრო გადაყვანის სფეროსთან დაკავშირებულ მრავალ საკითხს, მათ შორის:

• ავტოსადგურის შესაბამისობის სერთიფიკატებს;
• ქვეყნის შიდა რეგულარულ სამგზავრო გადაყვანას;
• საავტომობილო სამგზავრო გადაყვანის წესებს;
• ავტოსადგურების სერტიფიცირების პირობებს;
• მოძრაობის უსაფრთხოებასა და რეგულირებას.

კანონი 2024 წლის 1 მარტიდან ამოქმედდება, ხოლო მისი მე-2 მუხლის მე-2 პუნქტი-2024 წლის 1 იანვრიდან. აღნიშნული მუხლი ეხება მთავრობის ვალდებულებას, შეიმუშაოს და განსაზღვროს ავტოსადგურების სერტიფიცირების წარდგენილი წესები და ვადები.

1 იანვრიდან ძალაში შედის ზამთრის სეზონზე გადაადგილებასთან დაკავშირებული მოთხოვნების ახალი წესები, რომლებიც მიზნად ისახავს საგზაო მოძრაობის უსაფრთხოების გაძლიერებას. წესების დეტალური აღწერა განსაზღვრავს, რომ ზამთრის პირობებში სატრანსპორტო საშუალებები უნდა აკმაყოფილებდნენ სპეციფიკურ უსაფრთხოების კრიტერიუმებს.