ტექინსპექტირება ქობულეთში: რა უნდა იცოდე ვიზიტამდე?
ქობულეთი აჭარისა და გურიის გასაყარზე მდებარეობს, ამიტომ „გრინვეის“ სერვისცენტრში მისვლა ორივე რეგიონიდან მოსახერხებელია. ადგილობრივი მძღოლებიც ავტომობილის სავალდებულო შემოწმებას ძირითადად ამ ფილიალში გადიან.
სად მდებარეობს „გრინვეის“ ქობულეთის ფილიალი და როდის მუშაობს?
„გრინვეის“ სერვისცენტრი მემედ აბაშიძის ქუჩაზე, 18 ნომერში მდებარეობს. ფილიალი ორშაბათიდან პარასკევის ჩათვლით 09:00 საათიდან 18:00 საათამდე მუშაობს, შაბათს კი 10:00 საათიდან 15:00 საათამდეა ღია.
ამ ფილიალში ტექინსპექტირებას გადიან მსუბუქი ავტომობილები (M1 კატეგორია), მცირე სამგზავრო ტრანსპორტი (M2 კატეგორია) და 3500 კილოგრამამდე მასის სატვირთო მანქანები (N1 კატეგორია).
შემოწმებაზე წინასწარი ჩაწერა საჭირო არ არის, თუმცა რიგში ლოდინის შესამცირებლად ავტომობილის ტექინსპექტირების დაჯავშნა შეგიძლია.
რა მოწმდება ტექინსპექტირებისას?
ავტომობილის სრული შემოწმება, ჩვეულებრივ, 15 წუთამდე გრძელდება. ამ დროის განმავლობაში ინსპექტორი ამოწმებს:
- ავტომობილის მონაცემებს: VIN კოდსა და სახელმწიფო სანომრე ნიშანს ტექპასპორტის ჩანაწერებს ადარებს. ასევე აღრიცხავს საწვავის ტიპსა და მანქანაში შეტანილ კონსტრუქციულ ცვლილებებს;
- სამუხრუჭო სისტემასა და საჭეს: აკვირდება დისკების მდგომარეობას, სამუხრუჭო სითხის დონესა და სადგომი მუხრუჭის მუშაობას. შემდეგ საჭის მექანიზმის რეაგირებასა და თავისუფალ სვლას აფასებს;
- გარე განათებასა და ხილვადობას: ამოწმებს ფარებს, მოხვევის მაჩვენებლებსა და სამუხრუჭო შუქებს, ასევე საქარე მინას, სარკეებსა და მინის საწმენდებს;
- საბურავებსა და სხვა ნაწილებს: აფასებს საბურავების ზომასა და ცვეთას, ზომავს ღარების სიღრმეს. ბოლოს ამოწმებს შასის, დაკიდების სისტემას, გამონაბოლქვს, უსაფრთხოების ღვედებსა და აირბაგების ინდიკატორებს.
რა ხდება, თუ ავტომობილი ტექინსპექტირებას ვერ გაივლის?
თუ ავტომობილმა პირველადი ტექდათვალიერება ვერ გაიარა, მძღოლს ხარვეზების გამოსასწორებლად და განმეორებითი შემოწმების გასავლელად 30 კალენდარული დღე აქვს. ამ პერიოდში მანქანის მიყვანა „გრინვეის“ ნებისმიერ ფილიალში შეიძლება. ხელახალ ვიზიტზე ინსპექტორი ამოწმებს იმ ნაწილებს, რომლებზეც ხარვეზი გამოვლინდა და ავტომობილს ვიზუალურადაც ათვალიერებს.
თუ მანქანამ განმეორებითი შემოწმებაც ვერ გაიარა, დარჩენილი ხარვეზების გამოსასწორებლად და სრული ტექინსპექტირების თავიდან გასავლელად 10 კალენდარული დღე რჩება.
ამ ვადების მიუხედავად, სახიფათო ხარვეზის აღმოჩენისას ავტომობილით გადაადგილება დაუყოვნებლივ იკრძალება.
რა შეგიძლია შეამოწმო სერვისცენტრში მისვლამდე დამოუკიდებლად?
სერვისცენტრში მისვლამდე ავტომობილის დათვალიერებას რამდენიმე წუთი დაუთმე. ასე თვალსაჩინო ხარვეზებს წინასწარ შეამჩნევ და მათ გამოსწორებას ტექინსპექტირებამდე შეძლებ.
- განათება: ჩართე ახლო და შორი ფარები, მოხვევის მაჩვენებლები, სადგომი შუქები და უკუსვლის ფარები;
- საბურავები: დააკვირდი მათ ცვეთას. მსუბუქი ავტომობილის საბურავის პროტექტორის სიღრმე მინიმუმ 1,6 მილიმეტრი უნდა იყოს;
- საქარე მინა: განსაკუთრებით ყურადღებით დაათვალიერე მინის საწმენდების მოქმედების არეალი. ამ მონაკვეთში ბზარი 5 მილიმეტრს არ უნდა აღემატებოდეს, ნაკენჭურები კი დასაშვებია;
- აირბაგი: შეამოწმე, ხომ არ არის ამოღებული ან გახსნილი ქარხნულად დამონტაჟებული უსაფრთხოების ბალიში. ასეთი ხარვეზის გამო ავტომობილი ტექინსპექტირებას ვერ გაივლის;
- გამონაბოლქვი: თუ მანქანიდან დიდი რაოდენობით კვამლი გამოდის, ვიზიტამდე ტექნიკოსს შეამოწმებინეთ წვის სისტემა ავტომობილზე.
რამდენად ხშირად სჭირდება ავტომობილს ტექინსპექტირება?
მსუბუქი ავტომობილის (M1 კატეგორია) შემოწმების სიხშირე მის ასაკზეა დამოკიდებული. გამოშვებიდან პირველი ოთხი წლის განმავლობაში ტექინსპექტირება არ სჭირდება. ოთხიდან რვა წლამდე ორ წელიწადში ერთხელ მოწმდება, რვა წლის შემდეგ კი ყოველწლიურად.
ტაქსების შემთხვევაში განსხვავებული წესი მოქმედებს და ავტომობილი, ასაკის მიუხედავად, ექვს თვეში ერთხელ მოწმდება. ახლად განბაჟებული ავტოტრანსპორტის შემოწმების ვადა კი 30 კალენდარული დღეა.
ტექინსპექტირების მოქმედების ვადის გადამოწმება ვებგვერდზე greenway.ge მხოლოდ სანომრე ნიშნის მითითებითაა შესაძლებელი.
რა დოკუმენტები დაგჭირდება ტექინსპექტირებისთვის?
ტექინსპექტირებაზე წასვლისას ავტომობილის ტექპასპორტი დაგჭირდება. თუ ორიგინალი არ გაქვს, ასლი ან ტელეფონში შენახული ფოტოც გამოდგება. პირადობის მოწმობის წაღება სასურველია, თუმცა მისი წარდგენა სავალდებულო არ არის.
თუ მანქანა აირზე მუშაობს (CNG, LPG ან LNG), გაზის აპარატურის გამართულობის მოწმობაც თან იქონიე. ტექპასპორტში მითითებული საწვავის ტიპიც გადაამოწმე: თუ ავტომობილი ბენზინსა და აირს იყენებს, ტექპასპორტში საწვავის ორივე ტიპი უნდა ეწეროს.
მესაკუთრის ადგილზე ყოფნა აუცილებელი არ არის. ავტომობილი სერვისცენტრში სხვა პირმაც შეიძლება მიიყვანოს, თუ მანქანის გასაღები და ტექპასპორტი ან მისი ფოტო თან ექნება.
დაგეგმე ვიზიტი „გრინვეის“ ქობულეთის სერვისცენტრში
„გრინვეის“ ქობულეთის ფილიალში ტექინსპექტირება ევროპული სტანდარტებით ტარდება და ფრანგული წარმოების MULLER AUTOMOTIVE-ის დანადგარები გამოიყენება.
კომპანიას საქართველოს მასშტაბით 32 ტექინსპექტირების სერვისცენტრი აქვს. თუ სხვა ქალაქში გეგმავ მისვლას, ფილიალების მისამართები და სამუშაო საათები ვებგვერდზე შეგიძლია ნახო. იქვე მითითებულია, რომელი კატეგორიის ავტომობილებს ამოწმებს თითოეული ფილიალი. დამატებითი კითხვების შემთხვევაში ცხელ ხაზზე 032 299 77 77 დაგვიკავშირდი.
