სს გრინვეისაქართველო -სკომფიდენციალურობის პოლიტიკა და პერსონალური მონაცემების დამუშავების პოლიტიკა

სს გრინვეი საქართველო (შემდგომში გრინვეი ან კომპანია ) (ს/ნ 404867006; მის: ქ. თბილისი უნივერსიტეტის ქ. N 6) არის თანამედროვე, საერთაშორისო სტანდარტებით მოქმედი კომპანია, რომელიც მომხმარებელს სთავაზობს ხარისხიან, მოქნილ და უსაფრთხო ტექნიკური ინსპექტირების სერვისს მთელი საქართველოს მასშტაბით.

გრინვეის პარტნიორია მსოფლიოს 70 ქვეყანაში მოქმედი, ავტომობილების ტექნიკური დათვალიერების მსოფლიო ლიდერი Applus + რომლის გამოცდილების გათვალისწინებით გრინვეი საფუძველს უყრის საქართველოში პირველ, საერთაშორისო სტანდარტებით მოქმედ ავტომობილების ტექნიკური ინსპექტირების ცენტრების ქსელს. კომპანიის მიზანია თანამედროვე, მომხმარებელზე ორიენტირებული მომსახურებაზე, საგზაო უსაფრთხოებაზე, გარემოს დაცვასა და საზოგადებისთვის მნიშვნელოვან საკითხებზე ზრუნვა ერთ უწყვეტ პროცესად აქციოს.

წინამდებარე დოკუმენტი წარმოადგენს სს გრინვეი საქართველოს მომსახურების წესებსა, პირობებსა და ინფორმაციის დამუშავების წესებს. ის სავალდებულოა თქვენთვის და კომპანია გრინვეი -სთვის.

გთხოვთ, ყურადღებით გაეცნოთ წინამდებარე პირობებს.

ვებ-გვერდის, ცხელ ხაზზე ზარის მეშვეობით, ელექტრონული ფოსტის ან/და კომპანიის სოციალური ქსელის გამოყენებით ან გრინვეის ნებისმიერი მომსახურებით სარგებლობისას, იგულისხმება, რომ თქვენ სრულად ეთანხმებით წინამდებარე კონფიდენციალურობისა და ინფორმაციის უსაფრთხოების პოლიტიკის პირობებს (შემდგომში-პირობები). (გამოქვეყნებულია შემდეგ ვებ-გვერდზე: greenway.ge).

ყველა ქვემოთხსენებული პირობა არეგულირებს თქვენ მიერ ვებ-გვერდით, ცხელი ხაზით, ელექტრონული ფოსტით ან/და კომპანიის სოციალური ქსელით გამოყენებასა და ჩვენი მომსახურებით სარგებლობას (მათ შორის კომპანიის სერვის ცენტრებში).

ტერმინი თქვენ მიუთითებს პირზე, რომელიც შედის ვებ-გვერდზე ან/და სარგებლობს ვებ-გვერდით, ცხელი ხაზით, სოციალური ქსელით ან/და გრინვეი -ს ცენტრების მომსახურებით. ასევე, მიუთითებს კომპანიაზე ან ორგანიზაციაზე, რომლის სახელითაც ეს პირი შედის ვებ-გვერდზე ან სარგებლობს ჩვენი მომსახურებით.

გრინვეი უფრთხილდება თქვენს პერსონალურ მონაცემებს, რომელიც შეგროვდა, მუშავდება და გამოიყენება ვებ-გვერდზე თქვენი სტუმრობის განმავლობაში და შემდგომში.

გრინვეი ცდილობს შეაგროვოს, დაამუშაოს, გამოიყენოს და შეინახოს მომხმარებლის ინფორმაცია მხოლოდ სათანადო მიზნებისთვის. ჩვენ მიერ მომხმარებლის ინფორმაციის შეგროვება, დამუშავება, გამოყენება და შენახვა შეზღუდულია მხოლოდ იმ დონემდე, რაც, ჩვენი აზრით, აუცილებელია საუკეთესო მომსახურების მიწოდებისთვის, ჩვენი საქმიანობის წარმართვისთვის, რისკების მართვისთვის, ჩვენი მომსახურებებისა და შესაბამისი კანონმდებლობის მოთხოვნების შესრულებისთვის.

სს გრინვეი საქართველო -ს სერვის ცენტრებში მომსახურების სარგებლობა

თქვენს მიერ წინამდებარე პოლიტიკებზე თანხმობით (თანხმობის გამოხატვა საიტზე განთავსებული შესაბამისი მანიშნებლის მონიშვნით) და სს გრინვეი საქართველო -ს ისნპექტირების ცენტრში ავტომობილის წარგენის დროს, როგორც მომხმარებელი ადასტურებთ, რომ:

ყოველი კონკრეტული ინსპექტირების დროს, პერიოდული ტექნიკური ინსპექტირების მიზნით, თქვენს მფლობელობაში / საკუთრებაში არსებული ავტოსატრანსპორტო საშუალება, გადაეცით გრინვეის უფლებამოსილ ინსპექტორს და თქვენთვის ცნობილია, რომ პერიოდული ტექნიკური ინსპექტირების ცენტრი პასუხს აგებს სატრანსპორტო საშუალების ინსპექტირებისთვის განკუთვნილ ტერიტორიაზე გადაადგილება / პარკირების დროს შესაბამისი უფლებამოსილი ინსპექტორის ბრალეულობით დამდგარ იმ შემთხვევებზე, რომელმაც გამოიწვია ავტოსატრანსპორტო საშუალების გარეგანი დაზიანება. იმ შემთხვევაში თუ ინსპექტირების დროს ავტომობილი გამოვიდა მწყობრიდან, აღმოჩნდა გაუმართავი, ვერ სრულდება ინსპექტირების პროცესი თქვენთვის ცნობილია, რომ გრინვეი არ აგებს პასუხს ინსექტირების დროს ავტომობილის გაუმართაობის მიზეზით, ავტოსატრანსპორტო საშუალების ან კონკრეტული ნაწილი დაზიანებაზე. პრეტენზიის არსებობის შემთხვევაში კონკრეტული საქმის განხილვაში ჩაერთვება მესამე დამოუკიდებელი პირი.

ყოველი კონკრეტული ინსპექტირების დროს, გადაცემულ ავტოსატრანსპორტო საშუალებაში არ დევს პირადი ან ღირებული ნივთი (მათ შორის მობილური, კომპიუტერი, ციფრული ტექნიკა, ძვირფასი ლითონის ნაკეთობა, დოკუმენტაცია და სხვა). გრინვეი პასუხს არ აგებს ნებისმიერი სახის დაკარგულ ნივთზე თუ სხვა ნებისმიერი სახის მატერიალურ თუ არამატერიალურ ზიანზე, რომელიც შესაძლოა მიადგეს ავტოსატრანსპორტო საშუალების მესაკუთრეს / მფლობელს ასეთი ნივთის დაკარგვით.

გაეცანით ინსპექტირების ცენტრში ქცევის წესებს, თქვენთვის ცნობილია და ეთანხმებით, რომ თქვენთს მიერ წარდგენილი ავტოსატრანსპორტო საშუალების ტექნიკური ინსპექტირების დროს, არ არის დაშვებული ტექნიკური ინსპექტირებისათვის სპეციალურად გამოყოფილ სივრცეში ყოფნა / გადაადგილება, ტექნიკური ინსპექტირების შეწყვეტა / დაჩქარება, ან რაიმე სახით ინსპექტორისთვის მისი უფლებამოსილების განხორციელებაში ხელის შეშლა / ზემოქმედება. ინსპექტირების პროცესის დასრულების შემდეგ არ არის დაშვებული ავტოსატრანსპორტო საშუალების ინსპექტირების ტერიტორიაზე პარკირება / დატოვება, გარდა იმ პერიოდისა, რაც ობიექტურად აუცილებელია ინსპექტირების პროცესის დასრულებისთვის. ასევე არ არის დაშვებული ავტოსატრანსპორტო საშუალების ინსპექტირების ცენტრის ტერიტორიასთან ისეთი სახით პარკირება / გაჩერება რამაც შესაძლოა შეაფერხოს ინსპექტირების ცენტრის ფუნქციონირება ან/და ინსპექტირების ცენტრის ტერიტორიის სრლად გამოყენება.

ვებ-გვერდით სარგებლობის პირობები

გრინვეის -ის ვებ-გვერდითა და მომსახურებით სარგებლობისთვის, თქვენ აცხადებთ და გარანტიას იძლევით, რომ: არ მოახდენთ გრინვეის 'ის რაიმე ნაწილის კოპირებასა და გავრცელებას ნებისმიერ გარემოში გრინვეი 'ის წინასწარი წერილობითი თანხმობის გარეშე;

წარმოადგენთ ზუსტ და უტყუარ ინფორმაციას ანგარიშის გახსნისას ან/და ჩვენი მომსახურების მისაღებად დარეგისტრირებისას;

ხართ სრულად პასუხისმგებელი თქვენი, როგორც მომხმარებლის, პირად ანგარიშზე, ასევე ყველა იმ აქტივობაზე, რომელიც ხორციელდება თქვენი ანგარიშით ვებ-გვერდზე ყოფნის დროს;

არ გამოიყენებთ გრინვეის 'ს ნებისმიერი პირადი საიდენტიფიკაციო ინფორმაციის მოსაპოვებლად, მათ შორის ანგარიშთა სახელწოდებებს, ელექტრონული ფოსტის მისამართებს, ან სხვა მსგავს ინფორმაციას კომერციული მიზნების მისაღწევად;

ხართ სრულად პასუხისმგებელი თქვენ მიერ მოწოდებულ ნებისმიერ ინფორმაციაზე რომელსაც თქვენ ათავსებთ, შეგყავთ ჩვენს ვებ-გვერდზე;

არ განათავსებთ ინფორმაციას, რომელიც წარმოადგენს მესამე მხარის საკუთრების ობიექტს, რაც გულისხმობს კონფიდენციალურობის, საჯაროობის, კომერციული საიდუმლოებისა და სხვა მსგავსი პრინციპების დაცვას, გარდა იმ შემთხვევისა, თუ თქვენ ხართ აღნიშნული უფლებების მესაკუთრე ან გაქვთ სათანადო ნებართვა ამ უფლებების კანონიერი მესაკუთრისაგან, რათა კონკრეტულად ეს ინფორმაცია გაუგზავნოთ გრინვეი 'ს.

გრინვეი -ს ვებ-გვერდისა და მომსახურების სარგებლობისთვის, თქვენ ადასტურებთ, რომ:

პირადი ანგარიშის გახსნისას და აქტიური ანგარიშის ფლობის მთელი პერიოდისათვის, თქვენი საქმიანობა ან/და ქმედება შესაბამისობაში არის/იქნება ადგილობრივ ან/და საერთაშორისო კანონმდებლობასთან; გეკუთვნით ან ფლობთ საჭირო უფლებებს, ნებართვებს და თანხმობებს საიმისოდ, რომ გამოიყენოთ და ნება დართოთ გრინვეი -ს, რათა მან გამოიყენოს ყველა და ნებისმიერი თქვენ მიერ გრინვეი 'სთვის გაგზავნილი ინფორმაცია;

გრინვეი -ს მომსახურების სარგებლობით, თქვენ ასევე გვანიჭებთ უფლებამოსილებას, რომ კომპანია გადასცემს მასთან დაკავშირებულ (აფილირებულ), ურთიერთდამოკიდებულ პირებს თქვენ მიერ მოწოდებული ინფორმაციას, იგივე მიზნებისთვის;

ჩვენ გვაქვს უფლება, თავად განვსაზღვროთ, არის თუ არა ნებისმიერი თქვენ მიერ მოწოდებული ინფორმაცია სათანადო და შეესაბამება თუ არა წინამდებარე პირობებს, წავშალოთ ნებისმიერი ან/და ყველა თქვენი გზავნილი და დავხუროთ თქვენი ანგარიში წინასწარი გაფრთხილების საფუძველზე ან მის გარეშე.

თქვენი ანგარიში და გრინვეის -ის პროფილი

გრინვეი 'ს ვებ-გვერდზე ანგარიშის გახსნის მეშვეობით დარეგისტრირება (ან პირდაპირ ჩვენთან დარეგისტრირების ან/და გრინვეი 'ს პროგრამისათვის თქვენი Facebook 'ის პროფილის მეშვეობით მიერთების ნებართვის სახით) აუცილებელია იმისათვის, რათა დაჯავშნოთ ვიზიტი ვებ-გვერდზე, გაიქტიუროთ ინსპექტირების თარიღის შემახსენებელი ფუნქცია ან მიიღოთ ნებართვა საიმისოდ, რომ თქვენთვის ხელმისაწვდომი გახდეს გარკვეული სახის მომსახურება;

თუ თქვენ უპირატესობას მიანიჭებთ ჩვენთან ანგარიშის გახსნას ან გრინვეის პროფილის შექმნას, თქვენ ამით დაეთანხმებით იმას, რომ წარადგენთ მხოლოდ ზუსტ, სრულ და უტყუარ სარეგისტრაციო ინფორმაციას და ნებისმიერი სახის ცვლილებისას შესაბამისად განაახლებთ ამ ინფორმაციას. დარეგისტრირებისას თქვენ მიიღებთ ინდივიდუალურ მანდატს სისტემაში ავტორიცაზიისათვის ( გრინვეის ანგარიშს , რომელზე წვდომასაც შეძლებთ თქვენი ტელეფონის ნომრით ან ელექტრონული ფოსტით და პაროლით);

აკრძალულია სხვა ნებისმიერი ფიზიკური ან იურიდიული პირის მიერ გრინვეი 'ს ვებ-გვერდზე ავტორიზაცია და მისი მომსახურებით სარგებლობა თქვენი გრინვეის ანგარიშის მეშვეობით. თქვენ ხართ პასუხისმგებელი მსგავსი უნებართვო სარგებლობის აღკვეთაზე. თქვენი გრინვეის ანგარიშის გამოყენებისას ჩვენ ვივარაუდებთ, რომ ვებ-გვერდზე ავტორიზაცია ან/და მომსახურებით სარგებლობა განხორციელდა თქვენ მიერ. მხოლოდ თქვენ ხართ პასუხისმგებელი ვებ-გვერდზე ნებისმიერი და ყველა შესვლისათვის ან მომსახურებით სარგებლობისათვის, მათ შორის ისეთ შემთხვევებში, როდესაც აღნიშნული განხორციელდება სხვა პირთა მიერ თქვენი გრინვეის ანგარიშის გამოყენებით. გთხოვთ, დაუყოვნებლივ შეგვატყობინოთ, თუ გაიგებთ, რომ თქვენი გრინვეი - ანგარიშის გამოყენება ხორციელდება თქვენი ნებართვის გარეშე.

ბმულები მესამე მხარეთა ვებ-გვერდებზე

ჩვენ არ ვანხორციელებთ კონტროლს იმ ვებ-გვერდებზე, რომლებზეც გრინვეი -ი ჰიპერბმულების მეშვეობით ამისამართებს მომხმარებელს. მესამე მხარეთა ასეთი ვებ-გვერდები არ ეკუთვნის ან/და კონტროლდება გრინვეი -ს მიერ. შესაბამისად, ჩვენ არ ვართ პასუხისმგებელი მსგავსი ვებ-გვერდების ან მათი მფლობელი კომპანიების კონტენტზე, ინფორმაციის დაცვის პოლიტიკასა და საქმიანობაზე. გრინვეი 'ს ვებ-გვერდის სარგებლობით თქვენ უპირობოდ გვათავისუფლებთ ჩვენ ნებისმიერი და ყველა პასუხისმგებლობისაგან, რაც წარმოიშობა თქვენ მიერ ნებისმიერი მესამე მხარის ვებ-გვერდით სარგებლობისგან;

გრინვეი -ს ადმინისტრაცია იღებს აუცილებელ ორგანიზაციულ და ტექნიკურ ზომებს მომხმარებლის პერსონალური მონაცემების დაცვისთვის, უნებართვო ან შემთხვევითი წვდომისგან, განადგურებისგან, შეცვლისგან, დაბლოკვისგან, კოპირებისაგან, გავრცელებისგან, აგრეთვე მესამე პირების სხვა უკანონო ქმედებებისგან დასაცავად;

გრინვეი არ არის პასუხისმგებელი ნებისმიერი პირდაპირი ან არაპირდაპირი ზარალისთვის, რომელიც გამოწვეულია საიტის ან მისი ცალკეული სერვისების გამოყენების ან ხელმიუწვდომლობის გამო, მომხმარებლის კომუნიკაციებზე არასანქცირებულ წვდომაზე, ნებისმიერი მესამე პირის განცხადებებზე ან ქცევაზე საიტზე;

გარანტიებზე უარი

გრინვეი პასუხს არ აგებს მესამე პირების მოქმედებაზე, მათ ვებ-გვერდებზე განთავსებულ ინფორმაციაზე იმ შემთხვევაშიც კი, თუ მესამე პირების ვებ-გვერდზე განთავსებულია ბმული, რომლითაც ხორციელდება გრინვეი -ს ვებ-გვერდზე გადასვლა;

გრინვეი არ იძლევა ვებ-გვერდის უწყვეტად ფუნქციონირების გარანტიას, შესაბამისად იგი პასუხს არ/ვერ აგებს თუ დროის გარკვეულ მონაკვეთში ვებ-გვერდი ან მისი რომელიმე სერვისი გახდა მთლიანად ან ნაწილობრივ მიუწვდომელი, დაფიქსირდა ტექნიკური ხარვეზი და სხვა;

გრინვეი პასუხს არ აგებს ქსელების, სისტემების, სერვერების, პროვაიდერების, მოწყობილობების, სერვისების ტექნიკურ ან პროგრამულ გაუმართაობაზე, გადამცემი ხაზების ხარვეზებზე; შეწყვეტაზე ან დაყოვნებაზე მონაცემთა დამუშავების / გადაცემის პროცესში; მომხმარებლის მასალების განადგურებაზე, მოპარვაზე, არასანქცირებულ წვდომაზე;

გრინვეი პასუხს არ აგებს მომხმარებლის ან სხვა პირის მოწყობილობის (კომპიუტერი, პლანშეტი, მობილური და სხვა) დაზიანების შემთხვევებზე, თუ აღნიშნული გამოწვეული იქნა მომხმარებლის მიერ ვებ-გვერდიდან ან ვებ-გვერდზე განთავსებული ბმულის/კავშირის გამოყენებით, ნებისმიერი ტიპის ინფორმაციის ან/და პროგრამის ჩამოტვირთვის გამო;

გრინვეი იტოვებს უფლებას უარყოს ან გააუქმოს მომხმარებლის მოთხოვნები/ტრანზაქციები, რომლებთანაც კომპანიას გააჩნია სამართლებრივი დავა; რომელმაც ადრე უკვე დაარღვია კომპანიის წესები და პირობები, რომელიც ეჭვმიტანილია რაიმე სახის თაღლითობაში, მათ შორის პლასტიკური ბარათების გადახდებთან დაკავშირებულ თაღლითობაში, რომლებიც განახორციელებენ პლასტიკური ბარათების ყალბ ან არასრულ საინდეტიფიკაციო მონაცემთა გამოყენებას და სხვა;

გრინვეი -ს არ მიუწვდება ხელი მომხმარებლის მიერ საიტზე გამოყენებული ბარათების დეტალებზე (ბარათის ნომერი, ბარათის მოქმედების ვადა, ბარათის უსაფრთხოების კოდი და სხვა)

შეწყვეტა

გრინვეი უფლებამოსილია ნებისმიერ დროს შეცვალოს ან შეწყვიტოს ვებ-გვერდის ფუნქციონირება ან ნებისმიერი მომსახურება წინასწარი შეტყობინების გარეშე;

ჩვენ ვიტოვებთ უფლებას, ნებისმიერი მიზეზით შევწყვიტოთ წინამდებარე ხელშეკრულება წინასწარი შეტყობინების გარეშე. წინამდებარე ხელშეკრულება ავტომატურად შეწყდება იმ შემთხვევაში, თუ თქვენ დაარღვევთ ქვემოთ მოყვანილ ნებისმიერ პირობას;

ხელშეკრულების ნებისმიერი მიზეზით შეწყვეტის შემთხვევაში თქვენ ვალდებული ხართ, დაუყოვნებლივ შეწყვიტოთ ვებ-გვერდით ან/და მომსახურებით სარგებლობა;

გრინვეი -ს მომხმარებლი უფლებამოსილია შეცვალოს ჯავშანის ხელშეკრულება (დისტანციური ფორმით დადებული ხელშეკრულება) თუ გადაწყვეტს: ა) მომსახურების ვადის ცვლილებას; ბ) მომსახურების შესრულების ადგილის ცვლილებას.

გრინვეი -ს მომხმარებელი უფლებამოსილია შეწყვიტოს ჯავშანის ხელშეკრულება (დისტანციური ფორმით დადებული ხელშეკრულება) გადახდილი თანხის უკან დაბრუნების თაობაზე, განცხადების შევსების მეშვეობით. თანხის უკან დაბრუნების შესახებ მომხმარებელი აგზავნის მოთხოვნას გრინვეი -ს ოფიციალურ მეილზე info@gwg.ge .

თანხმობა პერსონალური მონაცემების დამუშავებასა და პირდაპირ მარკეტინგზე

გრინვეის (სს გრინვეი საქართველო -ს (ს/ნ 404867006)) ავტომობილების პერიოდული ტექნიკური ინსპექტირების ცენტრებში ვიზიტისას, ვებ-გვერდზე თანხმობით (თანხმობის გამოხატვა საიტზე განთავსებული შესაბამისი მანიშნებლის მონიშვნით) ცხელი ხაზის მეშვეობით გრინვეის ინსპექტირების ცენტრში ვიზიტის დაჯავშნისას, თქვენ როგორც მომხარებელის მიერ, გრინვეის თანამშრომლისთვის ავტორიზაციის კოდის (რომელიც გრინვეიში რეგისტრაციის დროს, გრინვეის მიერ გადმოგეგზავნათ მოკლე ტექსტური (SMS) შეტყობინებით, თქვენს მიერ გაცხადებულ ტელეფონის ნომერზე) გაცხადებით ეთანხმებით წინამდებარე დოკუმენტით განცხადებულ პირობებს და მასში არსებულ სხვა პირობებს.

ავტორიზაციის კოდის გაცხადებითა და ვებ-გვერდზე თანხმობით, როგორც მომხმარებელი ვადასტურებ, რომ:

ჩემი, როგორც მომხარებელის მიერ, გრინვეის თანამშრომლისთვის ავტორიზაციის კოდის (რომელიც გრინვეიში რეგისტრაციის დროს ან ცხელი ხაზის, საიტის მეშვებით ჯავშნის გაკეთების, შემახსენებელი ფუნქციის გააქტიურებით (ვებ-გვერდზე თანხმობით, თანხმობის გამოხატვა საიტზე განთავსებული შესაბამისი მანიშნებლის მონიშვნით) დროს გრინვეის მიერ გადმოგზავნილი მოკლე ტექსტური (SMS) შეტყობინებით) გაცხადებით თანხმობას ვაცხადებ და ნებაყოფლობით გრინვეის ვანიჭებ უფლებამოსილებას ჩემს მიერ მითითებულ ავტოსატრანსპორტო საშუალებაზე ინსპექტირების თარიღისა და ვადაგადაცილების SMS შეტყობინების მიღების, ჯავშნის გაკეთების, მომსახურების გაწევის ან/და სხვადასხვა სახის შეთავაზების განხორციელების - პირდაპირი მარკეტინიგის მიზნით, დაამუშავოს ჩემს მიერ მიწოდებული/ გაცხადებული ჩემი პერსონალური (რომელიც მოიცავს, მაგრამ არ შემოიფარგლება სახელი, გვარი, პირადი ნომერი, ტელეფონის ნომერი) და ინსპექტირების პროცესში მოპოვებული ჩემს კანონიერ მფლობელობაში არსებული (ინსპექტირებისთვის წარდგენილი) ავტოსატრანსპორტო საშუალების მონაცემები. ასევე გრინვეის ვანიჭებ უფლებამოსილება პირდაპირი მარკეტინგის მიზნებისთვის (მომსახურების გაწევის ან/და სხვადასხვა სახის შეთავაზების განხორციელების შეთავზება) აღნიშნული მონაცემები გადასცეს აფილირებულ პირებს.

ამასთან ვადასტურებ, რომ ა) ინსპექტირების ობიექტის მესაკუთრის ჩემს მიერ გრინვეისთვის მიწოდების საფუძველია მონაცემთა სუბიექტების ინფორმირება და ნებაყოფლობითი თანხმობა მათი პერსონალური მონაცემების მონაცემთა დამმუშავებლის მიერ დამუშავების თაობაზე და სრულად ვარ პასუხისმგებელი აღნიშნული მონაცემების გადმოცემაზე; ბ) მივიღე სრული ინფორმაცია მონაცემთა დამუშავების და ჩემი, როგორც მონაცემთა სუბიექტის კანონმდებლობით - "პერსონალურ მონაცემთა დაცვის შესახებ" საქართველოს კანონით მონიჭებული უფლებების, კერძოდ, მონაცემთა დამმუშავებლისგან ჩემი მონაცემების დამუშავების თაობაზე ინფორმაციის მიღების, მონაცემთა გასწორების, განახლების, დამატების, დაბლოკვის, წაშლის და განადგურების თაობაზე.

ვადასტურებ, რომ ინფორმირებული ვარ, მე როგორც მომხმარებელი უფლებამოსილი ვარ, რომ კომპანიის მიერ ჩემს მიერ გაცხადებული პერსონალური მონაცემები დამუშავდება მხოლოდ იმ ვადით, რაც აუცილებელია მონაცემთა დამუშავების მიზნის მისაღწევად და გათვალისწინებულია შესაბამისი სფეროს კანონმდებლობით. ამასთან, ინფორმირებული ვარ ჩემ მიერ გაცხადებულ თანხმობაზე უარის თქმის უფლების თაობაზე და რომ უფლებამოსილი ვარ მივიღო ინფორმაცია კომპანიისგან ჩემს მიერ გაცხადებულ დამუშავებულ მონაცემთა თაობაზე, მოვითხოვო მათი გასწორება, განახლება, დამატება, დაბლოკვა, წაშლა, განადგურება კომპანიის იურიდიულ მისამართზე წერილობითი შეტყობინების გაგზავნის, კომპანიის ტელეფონის ნომერზე (2 99 77 77) სატელეფონო შეტყობინების ან კომპანიის ელექტრონულ მისამართზე: info@gwg.ge ელექტრონული შეტყობინების გაგზავნის გზით. გრინვეი თავის მხრივ ვალდებულია უზრუნველყოს მონაცემების დამუშავების შეწყვეტა ამგვარი შეტყობინების მიღებიდან 3 (სამი) სამუშაო დღეში.

კონფიდენციალურობა

გრინვეი და მომხარებელი ვალდებულია არ დაუშვან, მხარეებს შორის ურთიერთობის პროცესში მიწოდებული ინფორმაციის, დოკუმენტაციის, მიღებულის შედეგები და სხვა ცნობების, რომლებიც წარმოადგენენ კონფიდენციალურ ინფორმაციას, (მიუხედავად იმისა წერილობითი ფორმის იქნება ეს თუ ზეპირი), მესამე პირებზე გადაცემა/გაცნობა. ინფორმაციის კონფიდენციალურობის დაცვის ვალდებულება მოქმედებს განუსაზღვრელი ვადით ვიდრე მხარეები არ შეთანხმდებიან მათ გაუქმებაზე/შეწყვეტაზე, კონფიდენციალურობის დაცვის ვალდებულების დარღვევად არ იქნება მიჩნეული კონფიდენციალურად მიჩნეული ინფორმაციის გამჟღავნება, მხარეთა შორის არსებული თანხმობა ან/და მიწოდება კანონმდებლობით გათვალისწინებულ შემთხვევებში.

მარეგულირებელი კანონმდებლობა და დავების გადაწყვეტის წესი

წინამდებარე პირობები რეგულირდება და განიმარტება საქართველოს კანონმდებლობის შესაბამისად;

მხარეთა მიერ, პირობების შესრულების ადგილად მიჩნეულია საქართველო;

ამ პირობებთან ან მის ინტერპრეტაციასთან დაკავშირებული ნებისმიერი დავა ან უთანხმოება გადაწყდება მხარეებს შორის მოლაპარაკების გზით, ხოლო მოლაპარაკების წარუმატებლად დამთავრების შემთხვევაში, მხარეები უფლებამოსილნი არიან მიმართონ სასამართლოს, არბიტრაჟს ან/და დავიც მედიაციის გზით გადაწყვეტის ფორმას;

მხარეებს შორის არსებული უთანხმოების ან/და ინსპექტირების შედეგებით გამოწვეული უკმაყოფილების შემთხვევაშიხარეები უფლებამოსილი არიან მიმართონ სსიპ "აკრედიტაციის ერთიანი ეროვნული ორგანო - აკრედიტაციის ცენტრი"-ს და კონკურენციის ეროვნულ სააგენტოს;

მომხმარებელს, პრეტენზიის არსებობის შემთხვევაში, შეუძლია შეავსოს პრეტენზიის/საჩივრის ფურცელი გრინვეი -ს სერვის ცენტრებში ან შეავსოს წინამდებარე ვებ.გვერდზე განთავსებულის პრეტენზიის/საჩივრის ფურცელი და ხელმოწერილი ვერსია გადმოგვიგზავნონ გრინვეის ელექტრონულ შემდეგ ელექტორნულ ფოსტაზე: info@gwg.ge . პრეტენზიის წარმოშობის მომენტიდან დაუყოვნებლივ. საჩივრის ფურცლის შევსების მომენტიდან, მომხმარებელი გამოხატავს თანხმობას, რომ გრინვეი დაამუშავებს მომხმარებლის პერსონალურ მონაცემებს, საჩივრის განხილვის პროცესში;

მომხმარებელს, შეუძლია გრინვეი -ს ცხელ ხაზზე ზარის განხორციელების გზით, კომpანიის სოციალურ ქსელში პრეტენზიის არსებობის შემთხვევაში, საშუალება ეძლევა განაცხადოს საჩივარი, გრინვეი -ს სერვის ცენტრებში მიღებული მომსახურების თაობაზე;

თუ თქვენ არ ეთანხმებით აღნიშნულ პირობებს, უნდა შეწყვიტოთ ვებ - გვერდითა და ჩვენი მომსახურებით სარგებლობა.

იმ შემთხვევაში თუ თქვენ არ ეთანხმებით წინამდებარე დოკუმენტით გათვალისწინებულ რომელიმე პირობას ან/და თანხმობას, გთხოვთ დაგვიკავშირდეთ გრინვეის ცხელ ხაზზე ან/და ელ-ფოსტაზე.

ცხელი ხაზი-0322 997777;

ელ.ფოსტა-info@gwg.ge.